სიტყვა ფოტოგრაფია ბერძნულიდან მომდინარეობს, რაც პირდაპირი თარგმანით სინათლის ხაზვას ნიშნავს. კარგად მოგეხსენებათ, რომ ძველად, ფოტოს გადაღება საკმაო ფუფუნებას წარმოადგენდა, ვინაიდან უდიდეს ხარჯებთან და ამავდროულად, ცოდნასთან იყო დაკავშირებული, რისთვისაც არსებობდნენ სპეციალური ფოტოგრაფები “ფოტოს გადასაღებ დაწესებულებებში”, ან ხდებოდა მათი დანიშნულების ადგილამდე ტრანსპორტირება მსურველთა მიერ.
ხშირად, მხოლოდ ერთ ფოტოს შეუძლია უდიდესი აზრი გადმოსცეს და იმეტყველოს უამრავი წლის წინ მომხდარ მოვლენაზე, რაც გაიძულებს მოექცე იმ ჩარჩოებში და გახდე ამბის მაზიარებელი. ფოტო, ეს ხომ ერთადერთი უნიკალური საშუალებაა დაამყარო კავშირი უამრავ ტკბილ მოგონებასთან, სადაც მთელი წარსული ცხოვრება, ბედი თუ უნიკალური ამბავია კომბინაციაში. თუმცა, მარტო ფოტოს ხილვა არას იმეტყველებს, თუ მასზე აღბეჭდილი მთავარი “ფიგურა” არ იმუშავებს ერზე განსაზღვრულ როლს. მაგრამ, ფოტოგრაფიის ტექნიკის განვითარებისა და ფოტოგრაფიული პროცესების გამარტივებასთან ერთად, გაიზარდა ფოტოგრაფიული საქმიანობის მოსურნეთა რიცხვი, რაც გულისხმობს დღევანდელ თაობას, რომელთაც ყველანაირი პირობა გააჩნიათ ფოტოს გადაღებისთვის, რათა აღბეჭდონ საჭირო კადრი საჭირო დროსა და მომენტში, ფანტაზიასაც არანაირად არ უჩივიან და თუ გაუმართლათ, მალევე ხდებიან პოპულარულები.
მოგეხსენებათ, რომ ქორწილი ადამიანის ცხოვრებაში ერთ-ერთი მნიშვნელოვანი დღე და ცხოვრების ახალი საფეხურის დასაწყისია. ამიტომ, ყველა ჩვენგანი ცდილობს, რომ ეს დღე კიდევ უფრო განსაკუთრებულად აქციოს. მცდელობა ერთია, თუმცა რა გამოვა, ეს კიდევ ცალკე საკითხი.
საქორწინო ფოტოებში ყველა დეტალი ძალზედ მნიშვნელოვანია, ამიტომ გასაკვირი არაა, რომ ფოტოგრაფს განსაკუთრებული პასუხისმგებლობა ეკისრება და ზოგჯერ წარმოუდგენელ გზას გადის სასურველი კადრის მისაღწევად. თუმცა, დღევანდელი კრებულის ფოტოები, ნამდვილად არასდროს დაგავიწყდებათ და გირჩევთ, იგივე არ გაიმეოროთ.
