ალბათ, არაერთხელ გაგჩენიათ კითხვა თუ რატომ ატარებენ ებრაელები თავზე ამ პატარა, მრგვალი ფორმის ქუდებს, რომელზეც პასუხი დღემდე არ მიგიღიათ. დღევანდელ სტატიაში შევეცდებით გავარკვიოთ მსოფლიოს ერთ-ერთი უძველესი ხალხი რატომ ატარებს მსგავსი სახის თავსაბურავს – იგივე კიპას კეფის ზედა ნაწილზე.
საქმე იმაშია, რომ აღნიშნული ქუდი, უპირველეს ყოვლისა, ღმერთისადმი რწმენის სიმბოლოდ გამოიყენება. რწმენის თანახმად, ებრაელები მას იმიტომ ატარებენ რომ ყოველთვის ახსოვდეთ – ყოვლისშემძლე ზემოდან იყურება და ყველაფერს ხედავს. გარდა ამისა, თალმუდის ტრაქტატში ნათქვამია, რომ თავის თავმდაბლად დაფარვით ებრაელი თავის სულიერ თვისებებს აუმჯობესებს.
