თბილისში, ფანასკერტელის ქუჩაზე, მეზობლებს შორის კონფლიქტი სისხლიან დაპირისპირებაში გადაიზარდა, შედეგად ერთ-ერთი მათგანი ცივი იარაღით დაჭრეს.
დაჭრილი პირი სასწრაფო სამედიცინო დახმარების ჯგუფმა საავადმყოფოში გადაიყვანა, მისი ჯანმრთელობის მდგომარეობა ამ დროისთვის უცნობია.
სამართალდამცავების რეაგირება
შემთხვევის ადგილზე პოლიცია ოპერატიულად მივიდა და გამოიძახა ექსპერტ-კრიმინალისტები. მიმდინარეობს საქმის გამოძიება და მტკიცებულებების შეგროვება. შინაგან საქმეთა სამინისტრომ გამოძიება დაიწყო საქართველოს სისხლის სამართლის კოდექსის შესაბამისი მუხლით, რომელიც სხეულის განზრახ მძიმე დაზიანებას შეეხება.
