როდესაც მამაკაცი ფრთხილად უახლოვდება უკნიდან საყვარელ ქალს და ხელებს ხვევს, წრეს კრავს. სინაზის წრეს, სითბოს… გაგების წრეს. ეს ცოცხალი წრეა, რომლის შუაშიც ქალს აყენებს. ამ გზით გაუცნობიერებლად ეუბნება მას, რომ მისი სამყაროს ცენტრია.
მამაკაცი ეხვევა ქალს და დუმს. ქალიც დუმს. გრძნობს, ამ ცხელი და მდუმარე ხელებიდან გამომავალ თბილ სხივებს.
როდესაც მამაკაცი ხელებს ხვევს ქალს, ამ დროს მას ფრთებს ასხამს. ამ წრეში ის მშვიდადაა. მყუდროდ. იძირება მდუმარე სინაზეში.
ვინ დგას ამ ცოცხალი წრის ცენტრში? რას გრძნობს? ვინ არის ის?
ქალი თუ გოგონა? საყვარელი თუ შეყვარებული.
სიჩუმეა. თითქოს მსუბუქი პლედი მოუხურავს ქალისთვის მხრებზე…. რათა მისი ფიქრები მამაკაცს დაუმალოს… თუ უკვე ვეღარ უმალავს?
ის ხომ უბრალოდ ხელებს ხვევს, გარემო სამყაროსგან იცავს, სადაც ასე ძალიან ცივა… აქ კი, მის მკლავებში – დაცულია. უსაფრთხოდაა. მშვიდად. მყუდროდ.
ეს ყველაფერია, რასაც ყველა ქალი გაუცნობიერებლად დაეძებს. რასაც ელოდება, რისი იმედიც აქვს.
ხშირად მოეხვიეთ ქალს! შეკარით წრე მის გარშემო! აგრძნობინეთ თქვენი სამყაროს ცენტრად თავი! გიყვარდეთ! უბრალოდ გიყვარდეთ! მისთვის ეს აუცილებელია… ისეთივე აუცილებელი, როგორც თქვენთვის!
