„გამარჯობა, მე ვარ მარიამ ბოკუჩავა და იტალიაში ვცხოვრობ უკვე 6 წელია. ამ ვიდეოს დღეს იმიტომ ვიღებ, რომ ისეთნაირი რაღაცა მინდა მოხდეს, რომ ყველა ბავშვი ვინც კვარაცხელიას გულშემატკივრობს, გაუხარდეს, მათ შორის მეც“. – ამ შინაარსის ვიდეო სოციალურ ქსელში გავრცელდა.
იტალიაში მცხოვრები ემიგრანტი ოჯახის 10 წლის შვილი, მარიამ ბოკუჩავა თავის ინიციატივაზე საუბრობს. მისი სურვილია ემიგრანტი ბავშვები ხვიჩა კვარაცხელიას ნეაპოლში, სტადიონზე შეხვდნენ.
„ხვიჩა კვარაცხელია, აქ იტალიაში ჩემთვის ყველაფერს ნიშნავს. რაც ხვიჩა კვარაცხელია გამოჩნდა ნეაპოლში, ჩემმა მეგობრებმა, კლასელებმა გაიგეს საქართველოს შესახებ და დაიწყეს ბევრი ნახატების და საჩუქრების გაკეთება. ამის გამო ჩემს კლასელებს ძალიან დიდი მადლობა“. – ამბობს ვიდეოში პატარა ემიგრანტი.
ახლა ჩემს ინიციატივაზე გადავიდეთ, მინდა ხვიჩა კვარაცხელიამ ისე ქნას რომ თითქმის ყველა ემიგრანტი ბავშვი ვინც იტალიაში ცხოვრობს და კვარაცხელიას გულშემატკივრობს, ერთად წავიდეთ ნეაპოლში სტადიონზე და ჩვენ შეგვხვდეს. აბა რას იტყოდით? – ამბობს პატარა ემიგრანტი ვიდეო მიმართვაში.
