“სიტუაცია არის უმძიმესი, გული მაქვს მოკლული.რა ინფორმაციას ავრცელებს დომენიკ მანგო.

სიტუაცია არის უმძიმესი, გული მაქვს მოკლული – ამის შესახებ სოციალურ ქსელში აქტივისტი და ბლოგერი დომენიკ მანგო წერს.

“სიტუაცია არის უმძიმესი, გული მაქვს მოკლული. ბავშვს თავის ტვინის ღეროზე აქვს ტვინის ნახევარი ზომა სიმსივნე. უკვე უმძიმეს მდგომარეობაში გამოუვლინდა ჩვენებები. თურქ ექიმს რომ ვესაუბრეთ დღეს, მოსმენილმა ყველანაირ მოლოდინს გადააჭარბა. ერთი წელი სიცოცხლის გახანგრძლივების 25% შანსია სტატისტიკურად, თანაც არანაირი ოპერაცია, არანაირი ბიოფსია არ შეიძლება ასეთ მდგომარეობაზე, რადგან თავის ტვინის ისეთ ადგილზეა ეს სიმსივნე, ვერ შეეხებიან. ვარიანტია მხოლოდ სხივური და ქიმიოთერაპია ორალური ტაბლეტით, რომელიც არის ერთადერთი იმედი სიცოცხლის გახანგრძლივების. დედაც წაშლილია და მამაც წაშლილია, მეც წაშლილი ვარ და ზოგადად ყველანაირი ნორმიდან ვართ ამოვარდნილები ყველა. დღეს ისეთი მოთქმა, დაძაბულობა, გოდება, ტირილი, ყვირილი და კიდევ უამრავი ემოცია ვნახე, რომ აგონიაში ვარ ჩავარდნილი. მოგიწოდებთ ყველას, რომ გადადოთ ტელეფონი და უხმოდ, ყველასგან ჩუმად ილოცოთ ჩვენი პატარა მათესთვის. იქნებ მოხდეს სასწაული და გამოვგლიჯოთ ხელიდან ამ სნეულებას ბავშვი. ირწმუნეთ და ისე ილოცეთ.. რა თქმა უნდა არ ვნებდებით, 0.00001%-იც რომ იყოს შანსი, ჩვენ ყველაფერს გავაკეთებთ და ღმერთს მივანდობთ დანარჩენს. დედის ანგარიშის ნომერზე ვაგრძელებთ თანხის მოგროვებას ყველანაირი საჭიროების უზრუნველსაყოფად. ჯანდაცვის სრულ გადაწყვეტილებას ორშაბათი დღისთვის ველოდებით, ამ დრომდე ბავშვი ფასიან კლინიკაში გვყავს. ვისაც რაც შეგიძლიათ, გადაურიცხეთ დედას, რომლის ანგარიშის ნომრებიც კომენტარებშია”