ფრესკა, რომელზეც გამოსახულია იესო ქრისტეს ჯვარცმის სცენა, არის დახატული 1350 წელს, კოსოვოს ერთ-ერთ მონასტერში, რომელსაც ეწოდება “ვისოკი დეკანი”. ფრესკის მარჯვენა და მარცხენა კუთხეებში აშკარად გამოსახულია ორი ამოუცნობი მფრინავი ობიექტი. კიდევ უფრო საინტერესო ისაა, რომ ორივე ობიექტის შიგნით ჩახატულია ადამიანი, რომელიც მართავს ამ საფრენ აპარატებს. მარჯვენა კუთხეში დახატულ პილოტს თავი უკან აქვს მობრუნებული და უყურებს მარცხენა კუთხეში დახატულ საფრენ აპარატს. არცერთ პილოტს არ აქვს შარავანდედი, რაც მიანიშნებს, რომ ისინი არ არიან წმინდანები. სკეპტიკოსები ამბობენ, რომ ეს საფრენი აპარატები არის მთვარისა და მზის სიმბოლოები, არადა ქრისტიანული ეკლესია მზეს და მთვარეს არ მიიჩნევს ცოცხალ, პატივის მისაგებ არსებებად და არც მათ პერსონიფიკაციას ეთანხმება ხატწერაში. ასევე აღსანიშნავია, რომ მე-14 საუკუნეში, როდესაც ეს ფრესკაა შექმნილი, შესაძლოა მხატვრისთვის ღვთის გმობის მუხლი წაეყენებინათ და გაესამართლებინათ, ამიტომ ასეთი რამის გამოსახვა საკმაოდ დიდ რისკად შეიძლება ჩაითვალოს.
