სოსო ჯაჭვლიანის ჯანმრთელობის მდგომარეობის შესახებ უახლესი ინფორმაცია ვრცელდება

პოლიტიკოსი დათო ლორთქიფანიძე, რომელიც სოსო ჯაჭვლიანის უახლოესი მეგობარია, მსახიობის ჯანმრთელობის მდგომარეობის შესახებ უახლეს ცნობებს გვაწვდის.მისი თქმით, ჯაჭვლიანი ახალ წელს თბილისში შეხვდა, თუმცა, ჯანმრთელობის პრობლემა, იძულებული გახადა, კვლავ თურქეთში დაბრუნებულიყო.„სოსოს მდგომარეობა 5-თვიანი მკურნალობის შემდგომ, რასაც თურქეთის კლინიკაში აწარმოებდა, შედარებით უკეთესი გახდა. ახალი წლის წინა დღეებში, თურქმა ექიმებმა საშუალება და უფლება მისცეს, რომ თბილისში წამოსულიყო. ახალ წელს აქ შეხვდა, ოჯახთან ერთად. 10 იანვრისთვის ქიმიის კიდევ ერთი გადასხმა უწევდა, იქიდან ეს მედიკამენტი წამოიღო და აქ, ერთ-ერთ კლინიკაში მივიდა.ამის შემდეგ მისი მდგომარეობა სამწუხაროდ, სასიკეთოდ არ შეცვლილა. ეს პროცესები ქიმიამ იცის, არაპროგნოზირებადია, სისხლის პრობლემა შეექმნა, რამდენიმე დღე კლინიკაში იწვა. მისი მდგომარეობა ისეთი საყურადღებო გახდა, თურქეთში გადაფრენა მოუწია. დაახლოებით, 10 დღეა, რაც თურქეთში დაბრუნდა. ახლა იქ მკურნალობას აგრძელებს. სხვა სიახლეს ამ ეტაპზე ვერ გეტყვით“, – გვითხრა დათო ლორთქიფანიძემ.