ძლიერმა წვიმამ მარტვილის მუნიციპალიტეტში პრობლემები შექმნა. უხვი ნალექის შედეგად ადიდებულმა ღელეებმა საკარმიდამო ნაკვეთები და საცხოვრებელი სახლების ნაწილი დატბორა ქალაქსა და მიმდებარე სოფლებში. წვიმამ შიდა გზები და სანიაღვრე არხებიც დააზიანა, რამდენიმე ადგილას ჩამოწვა მეწყერიც.
ადგილობრივი ხელისუფლების წარმომადგენლებთან ერთად სტიქიის ზონაში იმყოფებოდა სამეგრელო ზემო-სვანეთის სახელმწიფო რწმუნებულის მოადგილე ლუდუკ ხასია. მარტვილში სალიკვიდაციო და აღდგენითი სამუშაოები დილიდან დაიწყება, პარალელურად კი ზარალის დამთვლელი კომისია იმუშავებს. მარტვილის მუნიციპალიტეტის მერიის შესაბამისი სამსახურები ღამის განმავლობაში საგანგებო რეჟიმში მუშაობდნენ.
