მოსალოდნელია ძალიან ძლიერი მაგნიტური ქარიშხალი – რა უნდა გავითვალისწინოთ, რას გვაფრთხილებენ.

11 მაისს დედამიწას ელის უმაღლესი (მეხუთე) დონის მაგნიტური ქარიშხალი, რომლის მსგავსიც დაახლოებით 20 წლის წინ იყო.

„სამი დღის განმავლობაში მზემ პლაზმის ოთხი განსაკუთრებული ღრუბელი გადმოაგდო ჩვენი პლანეტისკენ, ზოგიერთი მათგანი გზაზე გაერთიანდება ერთ, კიდევ უფრო დიდ ობიექტად, რომელიც, გამოთვლებით, ამაღამ შეეჯახება დედამიწის მაგნიტურ ველს.

ექსპერტები ვარაუდობენ, რომ ქარიშხალი G4.33-ს მიაღწევს, მაგრამ დიდია ალბათობა იმისა, რომ G5-ის მაქსიმალურ დონესაც მივაღწევთ, რომელიც ბოლოს 2005 წელს დაფიქსირდა. ამ შემთხვევაში, ელექტროგადამცემი ქსელის პრობლემები დაიწყება, თანამგზავრები და რადიო კომუნიკაციები ჩამოიშლება. – წერს ასტრონომიული ლაბორატორია.

მაგნიტური ქარიშხლის ადამიანზე ზემოქმედების ყველაზე გავრცელებული სიმპტომებია:

თავის ტკივილი

სისუსტე

თავბრუსხვევა

გულისრევა

სახსრებისა და კუნთების ტკივილი

არტერიული წნევის მკვეთრი ცვალებადობა

ძილის დარღვევები (უძილობა ან ძილიანობა)

ძლიერი დაღლილობის შეგრძნება

როგორ დავიცვათ თავი მაგნიტური ქარიშხლის უარყოფითი გავლენისგან

გააკონტროლეთ არტერიული წნევა;

თან გქონდეთ აუცილებელი წამლები (ვისაც გულ-სისხლძარღვთა დაავადებები გაწუხებთ);

თავიდან აიცილეთ სტრესი და ნეგატიური ემოციები;

შეზღუდეთ მავნე, არაჯანსაღი საკვები, ალკოჰოლი და სიგარეტი, რაციონი გაამდიდრეთ ხილით და ბოსტნეულით;

დალიეთ დღეში მინიმუმ 1,5-2 ლიტრი სითხე სხეულის წონის მიხედვით, უმეტესად – წყალი, აგრეთვე, ახალი კომპოტები – სასურველია უშაქროდ, თუ მაინცდამაინც ტკბილი გიყვართ, თაფლით დაატკბეთ;

რეგულარულად გაანიავეთ ოთახი, განსაკუთრებით ძილის წინ;

მეტი იმოძრავეთ, თუ ფიზიკურ ვარჯიშს ვერ შეძლებთ, სუფთა ჰაერზე ფეხით ისეირნეთ, რაც მეტხანს, მით უკეთესი. გაითვალისწინეთ, რომ რეგულარულობას დიდი მნიშვნელობა აქვს.