საგამოძიებო კომიტეტის თანამშრომლები პერმის ტერიტორიაზე 2010 წელს გაუჩინარებული ხუთი წლის კატია ჩეტინას საქმის გამოძიებას დაუბრუნდნენ. მშობლებს მიაჩნიათ, რომ გოგონა გაიტაცეს და ჯერ კიდევ ცოცხალია. უფრო მეტიც, ჯერ კიდევ 2022 წლის დასაწყისში, სოციალურ ქსელში უცნობი პირი დაუკავშირდა მამას მესინჯერის საშუალებით და განაცხადა, რომ გოგონა მას ჰყავდა და მოითხოვა ფული მისი გათავისუფლებისთვის, დაჰპირდა, რომ ფულის მიღების შემდეგ მისი ადგილსამყოფლის კოორდინატებს გაუგზავნიდა.
ასევე, მამას გაუგზავნეს გოგონას ვიდეო, რომელიც, სავარაუდოდ, კატიაა. ამ დროისთვის, კატია დაახლოებით 18 წლის უნდა იყოს.
კატია ჩეტინა 2010 წლის 11 ივნისს პერმის რაიონში გაუჩინარდა. იმ დღეს იგი მშობლებთან ერთად მდინარე სილვასკენ წავიდა და რაღაც მომენტში უკვალოდ გაუჩინარდა. მყვინთავების ჩართულობამ შედეგი არ გამოიღო.
ცნობილია, რომ იმ დღეს, ოჯახის დასასვენებელ ადგილთან ნახეს საეჭვო მანქანა, რომელიც გოგონას გაუჩინარების შემდეგ აღარ უნახავთ. ამასთან, კატიას მსგავსი გოგონა რუსეთის სხვადასხვა რეგიონში რამდენჯერმე ნახეს.
